صباح الخيير ✋🏼🙆🏻
دايما تجيني اسئلة عن سفرتي لاوروبا
واستفسارات في الانستقرام ، لكثرتها ماشاء الله عملت استفتاء
والاغلبية أيدو اني اعمل البوست هذا .. 😃👍🏼
هذا حسابي انستقرام : @i_iafnan
هالموضوع حيفيد الجميع باذن الله وخصوصا للي اول مرة
حيسافر بشكل عام ، او اوروبا بشكل خاص .. ✈️
حتكلم من واقع تجربتي لاني ماشاء الله خططت لسفراتي بنفسي
من طيران وفنادق واجار سيارة وقطار والى اخره .. ❤️
وحبيت افيدكم بخبرتي البسيطة
حقسم موضوع السفر لعدة اجزاء عشان يسهل قراته
ولكل من يستفيد ادعولي بالخيير 💋
اول شي في تخطط السفر تحديد الميزانية وهذا شي بديهي
مثلا شخصين ( زوج وزوجة ) كم ممكن يكون في رصيدكم !
٢٠ الف ٣٠ الف ٤٠ ٥٠ ٦٠ الف !!💰
ايوا حسب ميزانيتك تقسميها على المواصلات والسكن والمعيشة وغيرها
تحددي الدول اللي تناسب ميزانيتك ، شي طبيعي مثلا ٣٠ الف في جنوب شرق اسيا تعيشك ملكة ، بس في اوربا حتكون بميزانية متوسطة الى اقل من المتوسط
وهذا يعتمد على المدة اللي بتقضينها واختياراتك للسكن ..💕
مثلا انتي حابة تسافري اوروبا !
اسالي نفسك انتي ايش تبغي في السفر ؟
استجمام ؟ يعني ريف وطبيعة 🌳 ولا جزيرة 🌊
تسوق وترفيه ؟ يعني مولات عالمية 👛 والعاب ترفيهية !🏂
على هذا الأساس تحددي رغبتك وعليها تحددي الدولة ✨
لنفترض انك تبغين الطبيعة 🌲
اذن وش افضل دولة اوروبية من ناحية الارياف الجميلة ؟
سويسرا والنمسا بلا منازع !!🇨🇭✨🇦🇹
طيب ميزانيتي محدودة ولازم اختار دولة من هالثنتين
اقول؛ النمسا لانها ارخص من سويسرا
عن تجربتي سويسرا جنة الدنيا ومافي دولة في العالم تقارن فيها
الا النمسا فقط !!
اما باقي دول اوروبا جميلة لكن ريفها لايقارن بسويسرا 🌳🇨🇭
طيب نقول حددتي ميزانيتك والدولة اللي بتقضي فيها سفرتك
تبدأي تحددي عدد الايام ( مدة السفر ) ⏳
وطبعا تحديد المدة يعتمد على الميزانية ، مو معقولة بميزانية ٣٠ الف
بتقضين شهر ! لكن قد تكفيك لمدة ١٠ ايام او اسبوعين باختيار ارخص الاسعار في كل تخطيط السفر .. 👌🏼
طيب حددنا الان ميزانيتنا مثلا ٣٠ الف 💸
الدولة النمسا 🇦🇹
مدة السفر ١٢ يوم ⏳
طيب المواصلات في مدة السفر ايش تبغونها
قطارات 🚂 ، سيارة خاصة 🚕 ، سائق خاص 🚘👤
الاغلبية يفضل سيارة خاص لانها افضل من ناحية الحرية في التنقل لكن مكلفة !
واعتقد متعة الريف الاوروبي في سيارة خاصة ، عشان تاخذين راحتك وحريتك
في اي مكان تبغينه وتخططين جدولك بشكل افضل 👌🏼
وبعدها نبدا نشوف اسعار الطيران والفنادق وعلى اساسها نقسم الميزانية
لنفترض .. ✨
الطيران للشخصين : ٥ الاف ✈️
السكن : ٥ الاف 🏡
المعيشة ١٠ الاف 💸
المواصلات : ٤ الاف 🚗
الترفيه : ٣ الاف 🎡
التاشيرة : الف 🗽
التسوق : الفين 👛
المجموع : ٣٠ الف
هنا اختياري افتراضيا فقط ، يختلف حسب رغبتك
وحسب الاسعار في المواسم
بكذا حددنا الميزانية وقسمناها ٣٠ الف 💰
اخترنا الدولة النمسا 🇦🇹
حددنا مدة السفر ١٢ يوم ⏳
اختارنا نوع المواصلات ( سيارة خاصة ) 🚗
وبعدها نبدا نخطط للرحلة
يعني مثلا يومين في فينا ، ٤ ايام في زيلامسي وهكذا
حسب رغبتكم وحسب المناطق السياحية 🎌
الاغلب اذا كان ناوي يزور النمسا او سويسرا
يكون الوصول من الدول المجاورة مثل المانيا وفرنسا وايطاليا وسلوفينيا وغيرها
لرخص اسعار الطيران واجار السيارة 💸
بما ان النمسا وسويسرا دول مكلفة
الاغلبية يبدا رحلته من ميونخ في المانيا لقربها من النمسا
لكن يعتمد على رغبتك في النهاية من وين تبداين
البعض يفضل مثلا ميلانو في ايطاليا للي ناوي يروح سويسرا
وهكذا ! ❤️
بعد ماتحددي تقسيم الايام وعدد المدن اللي بتسكنين فيها
الان يبدا الحجز الفعلي !!✨
من طيران وفنادق ومواصلات وبعدها اصدار التاشيرة
من طيران وفنادق ومواصلات وبعدها اصدار التاشيرة
طيب كيف نحجز ياافنان ؟ ايش المواقع اللي حجزتي منها
كيف الانجليزي في في السفر؟؟؟ 😕
هذا كله حجاوب عنه باذن الله في بوست ثاني
عشان مااطول عليكم وماشتت انتباهكم اكتفيت اليوم بهذا القدر
من المعلومات ..👌🏼💕
هذا شرح مبسط وخفيف بشكل عام
اتمنى انكم استفدتو ، استقبل استفسارتكم اسفل البوست
اكتبولي ايش حابين يكون في الموضوع الجاي ، اسئلتكم عن السفر؟!
اكتبولي ايش حابين يكون في الموضوع الجاي ، اسئلتكم عن السفر؟!
ملاحظة : قناتي في اليوتيوب فيها فلوقات لسفرتي الى اوروبا
للتواصل :
قد تفيدكم في اختيار الوجهات .. 🌎
للتواصل :
لمشاهدة قناتي علي اليوتيوب اضغط هنا
الرجاء الاشتراك في القناة ❤️
snapchat : i_iafnan
instagram : i_iafnan
email : i_iafnan@hotmail.com
ماشاءالله وضحتي كل شي بالتفصيل الله يعطيكي العافية ♥️
ردحذفبانتظار الجزء الثاني ��
الله يعافيك حبيبتي هنوش
حذف