مساء الخييرات 👋🏼
عدنا بالجزء الثاني من سلسلة تخطيط السفر
ذكرنا في الجزء الاول كيف بداية تخطيط السفر
اما الان حنتطرق لتفاصيل اكثر ..❤️
لمشاهدة الجزء الاول الرجاء الضغط هنا
بسم الله ..🌿
الاغلب يعرف طريقة الحجز وتخطيط السفر
لكن هدفي هنا للناس اللي ماتعرف او اللي حابة تسافر بميزانية اقتصادية
واخص بذلك السفر الى اوروبا ..
كلنا نعرف انو اوروبا دول غاليية جدا ومكلفة مادياً
ولكن اصحاب الميزانيات المتوسطة الى الاقل كيف ممكن يسافرون لها
بدون ماياثر على ميزانيتهم او يمنعهم من السفر !!😕
ارجع انوه واعيد الموضوع حيفييد اللي حاب يسافر بميزانية متوسطة
وولمن يريد معرفة كيفية التخطيط والحجز !!❤️
..
اذا كنتي تبغي تسافري بميزانية قليلة
اول حاجة زي ماذكرنا سابقا تحديد الميزانية 💸
بالاضافة الى اختيار الاوقات غير الموسمية
( يعني الاوقات اللي فيها دوامات مش اجازة الطلاب او اجازة البلد نفسه )
النقطة الثانية : الحجز قبل السفر ب ٣ الى ٤ أشهر 📅
.......
الان انا راح افترض مثال بس لتوصيل المعلومة
مثلا لو انك تبغي تسافري الى اوروبا ولكن ميزانيتك ٢٠ الف فقط 💰
وعدد الاشخاص : شخصين يعني انتي وزوجك مثلا او اخوك
او اختك الى اخره 👫
المدة : ١٢ يوم 📅
بس محتارة النمسا 🇦🇹 او سويسرا 🇨🇭 للارياف !
هنا اقولك النمسا لان التكلفة اقل نوعا ما والطبيعة مشابهة !🌳
فنختار النمسا ..🇦🇹
طيب الطيران افضل مطار ! ✈️
اقترح المانيا ميونخ كمثال !🇩🇪
(( الاغلب يبدا من ميونخ اذا كان الهدف النمسا
لرخص اسعار الطيران و اجار السيارة ))
لذلك حيكون اختيارنا للدول ( النمسا ، المانيا )
المواصلات داخل البلد ( سيارة ) مكلفة ولكن راح نختار الاقل سعر 🚗
طيب تخطيط الرحلة ! 🌚
الوصول ميونخ ( استلام السيارة من المطار) 🇩🇪
والذهاب مباشرة الى زيلامسي في النمسا (( تبعد ساعتين بالسيارة ))
زيلامسي - مدة المبيت ( ٥ ليالي ) 😴
بعدها الذهاب الى قارمش المانيا
تبعد عن زيلامسي (( ٣ ساعات تقريبا بالسيارة ))
قارمش ـ مدة المبيت ( ٤ ليالي ) 😴
وبعدها العودة الى ميونخ تبعد عن قارمش (( ساعة ونصف بالسيارة )) 🚗
تسليم السيارة لاقرب فرع داخل المدينة
ميونخ ـ مدة المبيت ( ليلتين ) 😴
حيكون تخطيط الرحلة 🌎( ميونخ - زيلامسي - قارمش - ميونخ )
بعد تخطيط الرحلة نبدا نختار ارخص الطيران ✈️
وطبعا الترانزيت ارخص بكثير من الطيران المباشر ❤️
دايما المتوفر الطيران الاماراتي والاتحاد والمصرية والتركية والاردنية
اول حاجة فاختيارنا للطيران .. نختار الاقل سعر💸 والاقل انتظار في المطار ⏳
ولاتركزي على جودة الطيران او غيره لانو احنا هنا نخطط لميزانية اقتصادية
المهم لنفترض ان الطيران للشخص الواحد ذهاب وعودة 🌐
ب١٨٠٠ اقل شي ممكن تلقينه الا اذا في اكواد خصم في المواقع
او عروض .
او عروض .
يعني شخصين ٣٦٠٠ ( للدرجة السياحية ) 💺
بعد مانحجز الطيران وتتم العملية ..
نبدا نبحث عن السكن ( والافضل اختيار الشقق السكنية )
لرخص الاسعار وافضل للارياف 🏡
واختيارك للشقة يكون في الريف خارج سنتر المدينة
يعني بزيلامسي ماراح تختارين بداخل زيلامسي لا!!
حيكون غالي ❤️
تختاري بالقرى المجاورة بحدود مايزيد عن ٤ كيلو
حتلقي في القرى اسعار رخيصة للشقق توصل الي ١٥٠ ريال فقط لليلة !!
ومناظر جميلة باطلالة !!🌳
يعني كم ممكن يكلفك السكن لمدة ١٢ يوم !!
تقدريا اعتقد محايزيد عن ٣ الاف وممكن اقل بعد 💸
وكذلك قارمش السكن في الارياف 🌿
اما ميونخ بما انها مدينة السكن يكون يبعد عن السنتر مو اكثر من كيلوين
واعتقد ممكن تلقي ب ٢٠٠ ريال الى ٣٠٠ ريال كااقل سعر بداخل ميونخ
لانها مدينة ومكتظة بالسكان !! ❤️
بعد مانحجز الفنادق نتجه لحجز السيارة 🚗
ونختار سيارة مناسبة لشخصين وديزل لانه ارخص من البنزين
فتقريبا ممكن يكون السعر الف ريال للاجار + سعر الديزل ٥٠٠ كسعر افتراضي فقط
يعني كلها ١٥٠٠ ريال نظيف عليها رسوم التنقل بين الدول
تقريبا حدود الفين ريال .. 🚗💸
يعني اجار السيارة بكل تفاصيله : الفين ريال
الفيزا ( طبعا شنجن واصدارها من المكتب الموحد بجدة والرياض )
تكلفك كشخصين حدود الف ريال + الرخصة الدولية حدود ٣٠٠ ريال 💸
وابعدو عن المكاتب السياحية لانه يحسبون للشخص الواحد بالف يعني ضعفها
واقل شي في المكاتب تقلونه ب ٨٠٠ ريال للشخص 🏃🏻
واقل شي في المكاتب تقلونه ب ٨٠٠ ريال للشخص 🏃🏻
اما لو سويتي الفيزا بنفسك ماتاخذ للشخص الواحد غير ٥٠٠
راح اذكر طريقة اصدار الفيزة في الاجزاء الجاية باذن الله ❤️
.....
الان نحسبها ( ٣٦٠٠ طيران + ٣٠٠٠ سكن + الفين سيارة + ١٣٠٠ فيزا ورخصة دولية )
السعر كامل ٩٩٠٠ نقول ١٠ الاف 💰
هذا سعر تقديري واعتقد ممكن تلقي حجوزات باقل من ١٠ الاف
يبقى من ال ٢٠ الف ( ١٠ الاف ) 💸
ال ١٠ الاف حتكون في يدك للبرامج السياحية والمعيشة ⛵️🗼
والمعيشة بما انك في شقة ( حيكون الفطور في البيت ) 🍞🍳
وفطورك من اجبان ونواشف وغيرها تجيبيها معاك من السعودية اوفرلك
وكذلك قهوتك العربية.. عاد اهم شي القهوة هههه ☕️❤️
اما الغداء والعشا اختاري المطاعم الرخيصة نوعا ما
يعني بيتزا 🍕، الوجبات السريعة 🍔 ( ارخص في السعر )
ابعدي عن المطاعم التركية والعربية لان الاسعار غيييير معقولة
ومدبلة اضعاف عندنا !! 😡
تقدري تصبري ١٢ يوم عن المشاوي واللحم صح :)
بكذا قدرنا نخطط لسفرة اقتصادية ممتعة و تناسبك ..😍❤️
والان وصلنا لنهاية البوست
في الجزء الجاي باذن الله راح اتكلم عن برامج ومواقع الحجز
وبعض التفاصيل باذن الله ..🌸
اذا عندكم اي استفسار او اسؤال اطرحوه اسفل البوست
اتمنى اني اكون افدتكم وسهلتلكم الشرح وطريقة الحجز
مابغى منكم الا دعواتكم لي بالخيير 🙏🏼
الى اللقاء في بوست اخر ان شاء الله 💋👋🏼
ملاحظة : قناتي في اليوتيوب فيها فلوقات لسفرتي الى اوروبا
للتواصل :
قد تفيدكم في اختيار الوجهات .. 🌎
للتواصل :
لمشاهدة قناتي علي اليوتيوب اضغط هنا
الرجاء الاشتراك في القناة ❤️
snapchat : i_iafnan
instagram : i_iafnan
email : i_iafnan@hotmail.com
أزال أحد مشرفي المدونة هذا التعليق.
ردحذف