رمضانيات 🌙| حساء الروبيان بالطماطم

صباح الخير وصباح اخر بوست من سلسلة رمضانيات 

هالمرة جبت لكم حاجة خفيفة ولذيذة ،، 😋❤️

تغيير عن شوربة الشوفان اللي بنشربها كل يوم ، واسهل والذ كمان 

يلا نبدا .. بسم الله ✨

المقادير : 

طماطم مطحونة ، صلصة طماطم ، روبيان مقشر ونضيف 

بصل مطحون ، ثوم مهروس 

ورق غار ، قرفة  ، ملعقة نشا محلولة في كاس مويا 

البهارات :

بهارات السمك ، ورق ريحان ، فلفل اسود 

ملح ، كمون ، كزبرة ، شوية بودرة ثوم وكاري 

الطريقة : 

في البداية نغسل الروبيان ونغلي على نار متسوطة 

مع حبات القرفة وورق الغار ، الى ينضج تماما ..

في قدر ثاني ، نشوح بصل وثوم وطماطم و الصلصة والبهارات 

ونتركها تتسبك بالكثيرة ٥ دقايق ..

بكذا صارت مسبكة تماما ، نضيف عليها الروبيان ونقلب شويتين وبعدها 

نضيف مرقة الروبيان بدون ورق الغار والقرفة ..

هنا نضيف كوب النشا المحلول في مويا ونقلب..

وبعدها نغطي على الشوربة ونتركها تطبخ قرابة نصف ساعة على نار هادية .. وانتبهو تنشف !!

وبكذا صارت الشوربة جاهزة ، تتزين بالبقدونس والليمون .. 

<< حاولت اطلع الروبيان مو راضي غايص جوا الشوربة ههههههه 😂

ان شاء الله عجبتكم طريقتي في شوبة الروبيان بالطماطم 

اذا عندكم طريقة مختلفة اكتبوها لية في التعليقات .. 🙊💕

واخيرن والحمدلله انتهيت من سلسلة رمضانيات ٢٠١٧ .. 

اان شاء الله تكونو استمتعتو فيها واستفدتو وطبختو مثلها ... 

والحمدلله اللي بلغنا رمضان والعشر الاوخر ، وكل عام وانتم بخير مقدما 

وقبل الزحمة هههه واشوفكم ان شاء الله في بوستات ثانية ومختلفة .. ❤️❤️

تعليقاتكم ارائكم انتقاداتكم البناءة واقتراحاتكم .. 

كمية سعادة وشرف لي ولمدونتي .. 

تحت البوست بصندوق التعليقات .. 

إلى اللقاء ..👋🏼

للتواصل : 

لمشاهدة قناتي علي اليوتيوب اضغط هنا 

الرجاء الاشتراك في القناة ❤️

snapchat : i_iafnan

instagram : i_iafnan

email : i_iafnan@hotmail.com