تنسيقات شتوية للجامعة | Winter formats University

مساء الخير ياسكاكر .*

اليوم الموضوع متشوقة اكتبوا لكم من كثر ماهوا جمييل ونحبو كلنا ^^

جمعتلكم ٣ تنسيقات للشتاء واتعمدت تكون قطع اطقمها على بعض ماتكون بلوفرات عادية

ان شاء الله تعجبكم ..

التنسيق الأول :

جمعت قميص جنز ازرق فاتح بياقة وحطيت فوقو بلوزة قطنية الوانها هادية

مع تنورة جنز ..

طالع شكلو مررة سمبل و رايق ينفع لدوام صباحي عملي ..

ممكن تضيفو عليها بروش لطيف اسود يعطي شكل للبس وومكن لا ..

استخدمت معاه شنطة سوداء بحبل طويل عشان يكتمل اللوك

الشوز مرة اسود ومرة لحمي .. له صورة تحت مع لبس ثاني

الاكسسوارات فضلت تكون خفيفة وبسيطة

ساعة واخراص لولو مع اسورتين مررة كيوتين تكسر الالوان الهادية للبس ..

تفاصيل اللبس :

قميص ازرق : مانقو 

البلوزة القطنية : نيو لوك

الشنطة : كوتش

الساعة : قوتشي

الاخراص والاساور : مو فاكرة من وين اخذتها

التنسيق الثاني :

كنت مشترية جيكت مررة فخم قماشو صوف مررة جميل واحس يتعدم بسرعة

فكنت حريصة مالبسو الا في مناسبات شتوية او كم لبسة خفيفة للجامعة

فقلت استخدمو دحين في التنسيق وزي مانتو شايفين لونو كحلي

فحبيت يكون تحتو قميص ملون يكسر جمود الكحلي

نسقت القميص ذا معاه وماتوقعت يطلع جمييل كده تناسب الالوان وتدرجها السماوي والكحلي والازرق

اااخ مررة يهبل جلست اطالع في الاوان نسيت التنسيق هههههه

وانا اموت في دي الاوان بتريحلي اعصابي لما بشوفها ..

بس حقيقة احترت في التنورة فقلت ياكحلي او جنز عشان يكتمل منتخب الهلال هههه

بس لازم تكون التنورة فخمة عشان يكتمل الفخامة مررة لاتفكري تلبسي سكيني حيطلع مرة لا

استخدمت شنطة بنية حجمها مرة حلو لكتب الجامعة

وتكسر الوان الكحلي دي وتزيد الفخامة فخامة ..

الاكسسوارات كانت كلها ذهبية

الصورة مبهتة لونها بس هي اجمل من كده

ومرة حبيت حركة الخرص الي يمسك بغضروف الاذن ويعطي شكل جميل

والخواتم واحد منهم يجي في نص الأصبع

وحبيت اني اكثر شوية في الاكسسوارات كمان 

اضفت ساعة ومعاها ٣ اساوار منوعة 

تفاصيل اللبس :

الجيكت : إسبريت

القميص السماوي : ستي ماكس 

الشنطة : مايكل كورس 

الاخراص والسلسال : اتش اند ام 

الخواتم : واحد منهم ذهب 

الاسوار : ناسية من وين ..

التنسيق الثالث :

بلوزة بيضا خناقي او هاي نك :)  بكم حيران ووسيعة شوي 

حطيت فوقها جيكت خفيف زيتي طويل 

وماحبيت يكون شكلها سادة في سادة اضفت عليها سلسال طويل 

وهي كذا جاية مع بعضها مجمعة 

حطيت معاها تنورة رمادي .. ممكن في الصورة طالع مو تمام التنسيق

بس في اللبس مررة غيير .. انا كذا قلت لما نسقتها لانو في يوم واحد اشتريتها ونسقتها 

بس لما لبست مررة غيير وفخامة وكاسرة اللون بشكل جميل 

الشنطة حسب اليوم اذا فيه كرف وكتب يفضل هذي اللحمية 

واذا عادي الشنطة السوداء الي فوق 

الشوز يفضل اسود حيادي 

تفاصيل اللبس :

البلوزة البيضاء : بيرشكا

الجيكت الزيتي : بيرشكا

التنورة : نيويوركر

الشنطة : الدو 

السلسال : بيرشكا 

^ يومي كلو كان في بيرشكا المحل الي اكتر من جميل 

وبضايعهم الشتا ذي السنة تهببل لايفوتكم الحقو عليها :)

اذا عجبكم البوست لاتحرموني من تعليقاتكم الجميلة 

وان شاء الله اشوفكم في بوستات اجمل و اجمل :)

GULE GULE..