مساء الخير والنشاط :$
اليوم موضوعنا يهم كل بنت وعشق كل بنت اساسا ^^
افضل ١٢ منتج للميك آب استخدمهم يوميا تقريبا للجامعة ..
وفوق هذا كلو من أجود المنتجات جمعت لكم افضلها من بين الميك اب حقي
من كل نوع حتكلم فيها بكل صراحة وعن خبرة في الاستخدام
واحس انو ذي المنتجات المفروض تكون عند كل بنت لانو فعلا تستحق تشترينها
حتكلم حاليا عن تجربتي فيها وبالنسبة للاسعار ومكان الشراء حتكون في اخر البوست ..
أول حاجة حتكلم عن الأرواج الثلاثة هذي الوانها جدا مخملية وتنفع للشتاء
والخريف وعشان كده اصلا اخترتها في البوست ذا
من اليمين : الروج من ماركة ريميل نوع كاتي عودي كريمي مايل على البني مدري كيف اشرح لونو بس فعلا جميييل وينفع للأوقات هذي واللون غرييب جدا مايشبه أي روج عودي بجد انصحكم فيه عن تجربة وهذا ثاني مرة اشتريه ..
الروج الي بعدو من ماركة شانيل تقريبا لونو بني على أورنج حاجة زي كذا يعني أخف من الاول في الحدة وكريمي أكثر وفيلو نسبة ترطيب حلوة
الروج الاخير برضو من ريميل نوع كاتي لونو موف غامق بس مو من الغوامق اللي تسد النفس ههههه تحسبي من بعيد أسود لا أبدا مو كده بالعكس شي مختلف مررة وفعلا لما تحطي تحسي موف وجمييل صراحة ومررة ينفع للشتاء انصحكم فيه بقوة عارفين ليش لانو أخيرا لقيت موف فعلا موف ^^ برضو نوعو كريمي
رابع منتج فرشة الدمج من ماك ومن اجود وافضل انواع فرش الدمج واكيد البلوقرز اللي متخصصين في الميك اب اتكلمو عنو كتيير وحقيقة في الميك اب ساحبة على الفرش كلها الا هوا وفرشة البلاشر حتجي بعد شوية :$
المنتج الخامس : باليت نيد ون من اربن ديكاي الوانو ترابية مخملية تجنن
جودتها رهيبة وخصوصا لما احط على الفرشة بخة من فكس بلس من ماك واختار اللون الي ابى وبعدها احطها على جفني يبان وقتو لمعان الشادو وتجي حاجة كده زي الصقلة :$ ههههه بس شي يعني فضيع مررة وغير كده يطول معاكي فترة بدون مايخف اللون او شي طبعا بمساعة الفكس بلس لانو تثبت اللون على الجفن
بالنسبة لوان الباليت دي مرررة ناسبتني لانو ماحب احط الوان مختلفة في الميك اب وحسيت انو لقيت فيلو الشي اللي ابغاه ...
المنتج السادس فرشة البلاشر من ماركة ريل تكنيك رهييبة الفرشة ذي في البلاشر
وكيف تعطي ملمس جميل على الخد ماعرف اشرحو اكتر من كده بس امانة
ماستخدم في البلاشر غيرها ومكروفة كرف ههههه ولاكانو فيها شي ماشاء الله
المنتج السابع فكس بلس من ماركة ماك غني عن التعريف يستخدم في كل حاجة في الميك اب من ابسطها اللي ذكرتو فوق انو يثبت الشادو على الجفن وغير كذا اذا نشف عندك اي حاجة في الميك بترجعها زي ماكنت عني ماستغني عنو لما بعمل مكياجي :)
المنتج الثامن بلاشر خربزي بلمعة مخملي جميييل وجودتو مررة حلوة من ذا بالم اسمو هوت ماما بعيد عن الاسم هههه فعلا جميل ويعطي لمعة غريبة على الخد امانة مالقيت هذي اللمعة في ماركة بلاشر ثانية مررة رهيبة وماستغني عنو ابدا ابدا ابدا لانو بيعطي صقلة طبيعية وجميلة للخد
المنتج التاسع ماسكرا من نيكس او ( ان واي اكس ) في افضل منها بس انا حبيتها لانو تنفع للجامعة يوميها وتكثف الرموش وتطولها بشكل طبيعي جدا وفوق ذا كلو اللي حببني فيه اكثر انو ماتعطي قسوة واضحة للرموش بالعكس لما تلمسيها كانها طبيعة بس عيبو انو مش ضد الموية
المنتج العاشر باودر برونزاج من اتش اند ام مررة حبيتها وناسبتني وناسبة درجة لوني بتعطيني برونزاج خفيف وحلو ويبان عليه التسمير لطيفة جدا بس طبعا في افضل منها حبيتها ذي ليش ؟ لانو تنفع للجامعة لو حابة تسوي برونزاج على السريع
المنتجين الاخيرة كونسيلر من ميبيلن رهييبة ومستغني عنها ابدا
خفيفة للهالات والاثار اللي مررة خفيفة وحابة تخفيها تنفع لليوميات طبعا وللجامعة خصوصا ماهي كريمية مرة ولا جافة مرة يعني مررة مريحة وخفيفة خصوصا انها بفرشتها وكذا بس طبعا ماتخفي الاثار الواضحة لانو زي ماقلتلكم خفيفة وللجامعة والخرجات البسيطة حتكون مررة حلوة لكم
المنتج اللي جنبو مناكير احمر من ريميل واضح عشق ريميل في قلبي هههههه
بس جد احس من افضل الماركات ذات الاسعار المقبولة المهم انا حبيتو لانو ينشف بسرعة ومايتقشر بسرعة وفوق ذا لونو مررة يناسب درجتي الاوان القمحية بشكل عام امانة ماكنت ناوية احطو من افضل المكياج بس قلت ليش لا لانو فعلا ماستخدم احمر غيرو ^^
اسعار واماكن شراء المنتجات :
١) الارواج اللي من ريميل اخذتها من سنتربوينت وحقيقة ناسية اسعارها
بس مو اكثر من ٤٠ او ٤٥ ونفس الشي المناكير والماسكرا تقولنها في سنتربوينت او ستي ماكس او صيدلية بوتس حتى النهدي ذحين صارت توفر ذي المنتجات
٢) الروج اللي من شانيل اخذتو من سيفورا وبرضو ناسية السعر بس مو اقل من ١٠٠ وشوية
٣) فرشة الدمج وفكس بلس من ماك محلاتها متوفرة في كثير من المولات في مكة في برج الساعة وفي جدة في الصيرفي ميجا مول وفي ريد سي مول وفي الرياض في صحارى مول و غرناطة والمملكة
٤) باليت نيكد انا جاني من دبي لانو وقتها ماهي متوفرة الا عند التاجرات وبعد ماجبتو بفترة بسيطة وفرو محلات سيفورا وتلقونو عندهم تقريبا سعرو فوق ٢٠٠ ريال
٥) فرشة البلاشر من ريل تكنيك وكونسيلر ميبيلن اشتريتهم من محل يونك في الرياض وتلقونها عند التاجرات الكنوسيلر اخذتو بحدود ٨٠ ريال والفرشة تقريبا ٤٠ وهي باسعار متفاووتة عن التاجرات ويمكن تلقونها باقل من السعر دا من التاجرات الموثوقين البلوقرز اميرة مبارك @amira88
٦) البلاشر من اربن ديكاي انا اشتريتو من تركيا تقريبا ب ٣٥ ليرة يعني ٧٠ ريال سعودي تلقونها عن التاجرات باسعار متفاوتة واغلبهم فوق المية واذا تقدرو تشترونها من امازون حيكون ارخص لكم
٧) اخر شي بودرة البرونزاج من اتش اند ام محلاتها متوفرة في مكة الضيافة وفي جدة الصيرفي وشارع التحلية سعرها اتوقع اقل من ٤٠ ريال
واخيييرا خلصت كتابة البوست اتمنى يعجبكم واستفدتو
تعليقاتكم تقدرو تكتبوها تحت البوست ..
bey bey ..
للتواصل :
لمشاهدة قناتي علي اليوتيوب اضغط هنا
الرجاء الاشتراك في القناة ❤️
snapchat : i_iafnan
instagram : i_iafnan
email : i_iafnan@hotmail.com
مرره حبيت استمري يا عسل
ردحذفيسعدك من ذوقك :$
حذفالصراحة أنا أحب المكياج الخفيف مرة استفدت كثير 😍✨ عجبتني الارواج بس كلها ما تنفعلي تصغر فمي فوق ما انه هو صغير 🌚😂تسلم يدك فنونا ع البوست الجميل 🙏🏻✨💜
ردحذفيب بس حلو التغيير بين فترة وفترة جربي وشوفي كيف حيغيرك :&
حذفالله يسلمك حبيبتي ..