كيف أحب القراءة ؟ | How do I love reading

مساء الخير
اليوم حابة اكلمكم عن موضوع لزيز وخفييف :$
حتكلم عن حاجة مهمة في حياتنا اهملناها كثيير وفايدتها كبيرة
لذلك انا حبيت اتكلم عن ذا الشي واعيد تفعيلو للناس الي اهملتو وللناس الي مش حابتو ههههه ..

القراءة ..

كيف احب القراءة ؟
طب انا كيف اعرف اختار الكتاب الصح .. ؟!
اخترت الكتاب بس مافيني حيل اقرأ ؟


ذي تساولات كثيييرة بتجي بذهن أي شخص حاب يقرأ واشياء بسيطة
زي كده بتحبطو ومابتخلي يقرأ
لذلك حسب خبرتي في القراءه وعن تجربة حبيت اكتبلكم هذي النقاط المهمة لتعزيز حب القراءه
والرجوع لها بعد اهمالها فترة طويلة
..

عن نفسي ! انا اهملت القراءه لفترة وهذا الشي خلاني امل من القراءة واتكاسل
لدرجة اتحمس اشتري الكتب واشتريها ولا اقراها
يعني بس خسارة فلوس ^^ هههههه
والحمدالله قدرت اطبق دي النقاط وامشيها عليها بالملي وكل شي صار تمام واحسن من اول
بدات اقرا واحب اني اقرا واتحمس واستني الوقت الي اقرا فيه :)

بسم الله نبدا :)

عشان تقراي وتكملي وتستمري لازم اول حاجة تحبي الكتاب الي بتقرأي ..
فنصحيتي للقراء الجدد عشان تكونو من جماعة #أمةـأقراـتقرآ  :$
اول ماتدخلي المكتبة اتجهي على طول لرف الروايات ..
بتقولي ليش ؟
بقولك لان الرواية حتحمسك تكملي الكتاب
حتحمسك تستمري تقراي عشان تعرفي ايش النهاية
وبكذا بتكويني عززتي حب القراءه بداخلك ..

* وعشان تقدري تختاري الرواية الصح لازم تكون عندك معرفة بالرواية الي حتشتريها
ايش قصتها ، مين الكاتب ، راي الناس عنها !!
وكل ذا بتلقينو يا عن طريق قوقل او بالانستقرام في حسابات كثيرة بتتكلم عن الكتب ورأي الناس فيها
ومن الحسابات الي بتابعها ( بوكتشينو  .. +Bookccino  .. نهى عبد العزيز @0n80  )

بعد مالقيتي الرواية الي ناسبتك على طول روحي واشتري او حمليها عن طريق ابلكيشن ( المكتبة الجامعة )

عشان تقدري تتحمسي تقرايها وتستمري ..
اول حاجة اختاري اوقات الفراغ للقراءه وخصوصا الاوقات الي بتقضها خارج البيت
يعني مثلا بين المحاظرات او وقت مابتستني سيارتك بتجيكي او انتظارك في العيادات ...
هذي الاوقات بدال ماتنشغلي بيها بجوالك حاولي تاخذي روايتك معاكي منها تتسلي ومنها تتعودي على القراءة


غير كذا وانتي تقرأي اكيد بتمر عليك عبارات تستوقفكي وبتفكري فيها او بتاثر فيكي او بتعجبك كثير
فاول حاجة تسوينها يكون معاكي مؤشر او قلم وبتأشري عليها .. ولو كانت العبارة جدا موثرة او ايجابية
اكتبيها في قصاصة صغيرة وعلقيها في تسريحتك او اكتبي في مذكرات الجوال ..

لاتنسي تذكري نفسك وتغصبي نفسك انك تكملي روايتك
ومن اسهل اساليب التذكير سجلي ملاحظة بجوالك تذكرك باوقات فراغك ..
وممكن برضو انك تحددي مدة تخلصي فيها الكتاب حسب ماتشوفي في نظرك كم بتقدري
شهر اسبوعين اسبوع وطبعا خليكي منصفة يعني حسب عدد الصفحات مو تكون مثلا ١٠٠ صفحة
وتقولي بحطلها شهر مثلا ^^
مع انو انا مابحب فكرة المدة بس ممكن بتناسب غيري لذلك ذكرتها هنا ..


بعد ماتقراي وتنتهي من الرواية حتلقي نفسك تلقائيا تبي رواية تانية ووقتها .!!
اختاري رواية وكتاب في موضوع يهمك سواء عن ( الذات او الفلك او التاريخ او الدين ... الخ )
وقسمي اوقاتك بين الكتابين عشان لما تملي من الكتاب بترجعي للرواية وبتحمسك


وكل النقاط اللي ذكرتها ،انتي الي حتفيدي نفسك فيها واذا قدرتي تتغلبي على نفسك
واستمريتي في القراءه فهنيئاً لكِ : آصبحتي من جماعة آمة اقرا تقرا :)

النقاط بالمختصر للناس الكسولة الي ماقرات البوست كامل ^^
وعلى فكرة كيف حتحبي القراءة وانتي مابتقرأى البوست كامل ههههه

* اشتري رواية انتي بتحبيها عشان تتحمسي تقرايها
* خلي روايتك دايما في شنطتك عشان تقرايها في اوقات فراغك
وابدأي بالتدريج والافضل لو قسمتيها لصفحات عشان تخلصيها
*العبارات الي بتعجبك دايما اشري عليها عشان ترجعليها وتلهمك
* اذا انتهيتي من روايتك .. المرة الثانية اشتري رواية وكتاب عن موضوع تحبي
وقمسي الوقت بينهم عشان تقدري تنهي الكتاب وتحبي الكتب زي ماحبيتي الروايات


تعليقاتكم استفساراتكم تهمني سواء هنا او على حساباتي تلقونها في صفحة about me
كونو بالقرب :)

Good bey

للتواصل : 

لمشاهدة قناتي علي اليوتيوب اضغط هنا 

الرجاء الاشتراك في القناة ❤️

snapchat : i_iafnan

instagram : i_iafnan

email : i_iafnan@hotmail.com